Në lidhje me vrasjen e Kreshnik Beqiraj, 36-vjeçarit fierak, ka reaguar dhe babai i tij. Mystehak Beqiraj thotë se djali i tij dhe vrasësi ishin njohur në burg në shtetin belg.
Ai thotë se Albert Zeka nuk paguante qiranë dhe kjo ka bërë që mes tij dhe të birit të nisnin konflikte.
‘’Vija te shpija me qera, më fshihej ky shkodrani. Mora foton dhe e çova në Polici. Shkuan tetë muaj dhe ende asnjë gjë nuk na thanë.
E kapin këtë shkodranin në Tiranë dhe bënë ballafaqimin, dhe më pas ishte detyruar që të thoshte se ku ishte fshehur trupi.
Nuk kishin asnjë lloj konflikti me njëri tjetrin.Dy djemtë ishin njohur në burg në Belgjikë. Edhe Albertin e kisha si djalin tim. Rrinin bashkë në një shtëpi me qera.
Shoku i djalit, Albert Zekaj nuk paguante qirane. Djali më tha tre dite para se të zhdukej se nuk rrinte më në shtepi me Albert Zekën. Ma vrau djalin në gjumë.
Nga drejtësia kërkoj që siç më iku djali të më ikë dhe ai. Shteti më talli dhe nuk më ka ndihmuar”, shprehet i ati.
Autori ka thënë se nuk e mban mend se pse e ka vrarë mikun e tij, madje shprehej i habitur se pse ka shkuar në këtë pikë situate. ‘’Jam i turbullt, trupin e kam fshehur në Daullas”, është shprehur dhe Zekaj.
Më datë 22.06.2017 rreth orës 23:00 ky shtetas dyshohet se e ka vrarë ne sende te forta dhe trupin e ka hedhur në afërsi të fshatit Daullas.
Zekaj u shoqërua në Drejtorinë Vendore të Policisë Fier, ku pas marrjes në pyetje ai pranoi autorësinë e vrasjes dhe hedhjen e kufomës në vendin ku u gjet.
Viktima ishte denoncuar në polici i humbur nga familjarët, por nga veprimet e kryera si dhe nga dyshimet e familjarëve, në muajin Janar 2018 Drejtoria Vendore e Policisë Fier ka nisur hetimet pasi dyshohej se ky shtetas mund të ishte vrarë ose rrëmbyer.
Nga kryerja e veprimeve proceduriale u sekuestruan në cilësinë e provës materiale:
– një batanije e cila kishte shërbyer për transportin e trupit.
– një çekiç me të cilin autori ka kryer krimin;
– mbetje të trupit të cilat u dërguan pranë Institutit të Mjekësisë Ligjore Tiranë, për ekzaminim të mëtejshëm.
(E.K/FAXWEB)
https://www.youtube.com/watch?v=ZwIQ_5Jg9Vs&feature=youtu.be
