Pedagogu Mark Marku ka folur për ekranin e Fax news mbi konferencën mbi Mediat dhe Audiencat në Shqipëri që u zhvillua sot si bashkëpunim mes Departamentit të Gazetarisë dhe Komunikimit dhe Autoritetit të Mediave Audiovizive.
Marku tha që Konferenca është mbështetur në punë shkencore të pedagogëve dhe ekspertëve të medias. Është bërë një analizë mbi problemet e medias dhe sjelljes së audiencave në Shqipëri.
“Konferenca ishte ideuar për problemet e medias në Shqipëri, sjelljen e audiencave. Prezantuam gjetjet e sondazhit kombëtar mbi sjelljet e audiencave. Ka qenë një rast i mirë për të kuptuar trendet e zhvillimit të mediave. Është analizuar cilësia e informacionit, besueshmëria që përçohet të njerzve.” tha pedagogu.
Marku thotë që në punimet dhe sondazhet e kryera shqiptarët kanë si burim kryesor televizionin dhe se pjesa më e madhe e tyre ka ende një besueshmëri të madhe te publiku.
“Në sondazh kishte dy të dhëna me interes. Publiku identifikon burimet e ndikimit të medias politikën dhe biznesin. Është i ngjashëm me teoritë.
Televizionet janë media referenciale për informacon për publikun shqiptar. 51 % e tyre e marrin të dhënat nga tv. Publiku në Shqipëri ka një besueshmëri më shumë se 50% te informacionet që jep media, në krahasim me vendet e botës.
Synimi për të denigruar mediat është synim nga politika, që të mos bëhët pasqyrimi si duhet i të vërtetës. Mediat kanë rol pozitiv në Shqipëri.
Protestat janë gjëja më e mirë që mund të ndodhë në një shoqëri. 3 Maji duhet të jetë një ditë reflektimi.” tha Mark Marku
Akademiku Artan Fuga thotë që 3 Maji është një ditë reflektimi për të gjithë aktorët social dhe se duhet të ndryshojë pak koncepti i shqiptarëve për median si idilike në një koncept më real.
“Maji është ditë e shënuar për të reflektuar, nga gazetarët, studjuesit,politikanët, rregulluesit e mediave. Media është parë si ëngjëlli i demokracisë për të dhënë liri, për ti shërbyer qytetarëve por media komerciale që shërben si biznes këtë funksjon e ka dytësor. Nuk duhet shpresuar shumë në media se i shërben biznesit që e financon. Qytetari duhet të ndryshojnë konceptin nga utopik në real. Media është e domosdoshme por mes medias dhe qytetarëve ka një bashkëpunim ashtu sikurse ka dhe një tension mes aktorëve. Ka një koncept idilik që nuk përputhet me realitetin.” tha Fuga.
Në këto 10 vitet e fundit po përpiqemi të përgatisim gazetarë me konceptet më të fundit. Media ka funskjonet e veta dhe disfunkjonet e saj. Studentët duhet të dalin me koncepte realiste që të përballojnë puns.” është shprehur më tej Fuga.
Pedagogu mbështet idenë që media shqiptare ka nevojë për transformime në shumë kënde të saj.
“Gjykim realist , Shoqëria shqiptare ka nevojë të reflektojë për një kuadër rregullator akoma më të zhvilluar nga çfarë është deri tani. Ka nevojë të mbrohet qytetari dhe strukturat e medias kanë nevojë të transformohen në mënyrë demokratike. Ka nevojë për një media të fortë publike si dhe për një bazë shumë të forët të dhënash për gazetarët” përfundoi Fuga.
Discussion about this post