Pamje nga vendngjarja/ Tronditet Fieri, vritet me dy plumba një person, trupi gjendet brenda makinës

Tronditet Fieri, vritet me armë zjarri shtetasi Shkelzen Kastrati në vendin e quajtur “Sheq”.

Gazetarja e Fax News Fatmira Bajrami raporton live nga vendngjarja se një person është i vdekur brenda automjetit të tij tip “Mercedez Benz”, i vrarë me armë zjarri, me dy plumba.

Siç shihet dhe nga pamjet makina ku gjendet ende trupi i viktimës ka dalë jashtë rrugës dhe është përplasur me një tjetër mjet, duke qenë se drejtuesi ka humbur kontrollin pasi është qëlluar me armë.

Ngjarja ka ndodhur në rrethrrotullimin e Sheqit, e cila është një pikë mjaft e mbipopulluar në qytetin e Fierit. Në vendngjarje kanë mbërritur forca të shumta të Policisë së Fierit, që po krehin zonën dhe po punojnë për kapjen e autorëve.

Duke qenë se ngjarja ka ndodhur në një orar kur zona ka pasur prani të madhe qytetarësh, Policia është duke shoqëruar dëshmitarë që mund të kenë parë skemën në të cilën kanë ndodhur krimi.

(E.K/Faxweb.al)