Një aksident i rëndë ka ndodhur në zonën e Kune Vainit në Lezhë. Një mjet ka dalë nga rruga dhe për pasojë ka gjetur vdekjen drejtuesi i tij emri i të cilit është Ermir Rroku, raporton ‘Fax News’.
Makina tip Golf 4 me targa AA 995 BV, ka dalë nga rruga si pasojë e shpejtësisë dhe është përplasur me pemët anash rrugës. Përplasja ka rezultuar fatale për 35 vjeçarin Rroku.
Njoftimi i policisë:
Lezhë
Informacion paraprak
Me datë 25.06.2018, rreth orës 21:06 është marrë njoftim se në Shëngjin, në vendin e quajtur Ura e Merrxhanit, mjeti tip Golf 4 me targa AA 995 BV ka dalë nga rruga ku për pasojë ka humbur jetën drejtuesi i mjetit shtetasi E.Rr. 35 vjeç, banues në Ishull Shëngjin.
Grupi hetimor në bashkëpunim me Prokurorinë e Rrethit Gjyqësor Lezhë po kryejnë veprimet për zbardhjen e plotë të shkaqeve të aksidentit.
https://www.youtube.com/watch?v=vBO4wJxIzGo&feature=youtu.be
(B.H/Faxweb)
Discussion about this post