Ka pasur disa momente tensioni në protestën e studentëve që po zhvillohet përpara kryeministrisë.
Disa prej të rinjve kanë dashur që të largojnë prej aty studentin dhe aktivistin e Lëvizjes për Universitetin Klodi Leka.
Nuk dihet se çfarë i ka shtyrë të rinjtë drejt këtij veprimi, por situata është qetësuar në kohë.
Nga ana e tij Leka pretendon se qëllimi i tij ka qenë vetëm t’iu shpërndajë ushqim studentëve, dhe se ata që e kanë sulmuar kanë qenë militantë të Partisë Demokratike.
Megjithë dallimet dhe përçarjet rezistenca e studentëve vijon në ditën e 11-të.
Sot nuk ka pasur asnjë deklaratë nga ana e kryeministrit Rama, dhe as ndonjë ngacmim në Facebook për kërkesat e studentëve.
(E.K/FAXWEB.AL)
