Vijimi i ndërtimit të bypass-it në fshatin Kaninë të Vlorës, ka shkaktuar dëme në pronat private të zonës.
Rrethimi i një sipërfaqe rreth 500 metra katror është dëmtuar gjatë orëve të para të mëngjesit të djeshëm pa leje të posaçme, pa njoftuar pronarët, pa i kompensuar apo vënë në dijeni për procesin.
Pronari i tokës Petrit Golemi thotë se nuk ka dijeni që në tokën e tij do kalojë një projekt publik.
“Më kanë njoftuar banorët sot, që muret e tokes sime janë shembur. Kemi njoftuar policinë, kanë ardhur 3 herë e prapë kanë ikur. Nëse është për zbatimin e projektit duhej të më njoftonin. Kjo është toka ime me dokumente”, thotë Golemi.
Avokatët e familjes Golemi kanë kërkuar ndërhyrjen e autoriteteve të policisë vendore. Ndërsa nëpërmjet mediave bëjnë thirrje për zbardhjen e ngjarjes së paprecedentë.
Discussion about this post