8 shkurti i vitit 2018 shënon ditën e parë të protestës më të gjatë në historinë e protestave në Shqipëri, atë të mbrojtjes së godinës së Teatrit Kombëtar. Dhe 8 shkurti i këtij viti, në një-vjetorin e kësaj proteste, bëri së bashku disa nga artistët qëndrestarë të kësaj beteje, ata të cilët qëndruan aty çdo natë, në mbrojtje të një vlere historike.
Mes mesazhesh dhe emocionesh në këtë ditëlindje të protestës, nuk mungoi as performanca komike e një nga aktorëve mbrojtës të kësaj kauze, Erion Mustafaraj.
Por, protesta një vjecare pêr mbrojtjen e Teatrit Konbëtar, nuk ka qënë vetëm e artistëve. Ajo ka bërë së bashku edhe qytetarë aktivistë, të cilët ashtu si artistët kanë dhënë kontributin e tyre për mbajtjen gjallë të kësaj kauze në mënyra tê ndryshme.
Ky grupim qytetarësh, artistësh dhe aktivistësh e cilëson të fituar betejën për mbrojtjen e kësaj godine historike, e cila rrezikonte shembjen nga ligji special për Teatrin Kombëtar.
VIDEO/ Një vit nga protesta për mbrojtjen e Teatrit Kombëtar
