Forcat e policisë kanë shoqëruar në komisariat natën e Vitit të Ri aktivistin e Organizatës Politike, Nebih Bushaj.
Momentin e shoqërimit e ka shpërndarë vetë Organizata Politike në “Facebook”, e cila shkruan se Nebih Bushaj është marrë me forcë pa asnjë arsye. Organizata bën thirrje që të rrëzohet diktatura e oligarkëve.
Ndërsa në video dëgjohet edhe një djalë, siç duket mik i Bushajt, që iu kërkon llogari uniformave blu se pse po e marrin aktvistin. Sipas tij, ky gjest i policëve është i turpshëm.
“Si s’ju vjen turp ore, merrni një student për Vit të Ri. Po ça jeni ju ore? Po çfarë njerëzish jeni ju ore? Për çfarë po e merrni ore? Ju nuk dini ligjin more zotëri, jeni aq të prapambetur sa nuk dini ligjin. Për çfarë ja heq lirinë një djali të ri? Ju s’jeni as prindër ore, as qytetarë, as njerëz. Ju duhet t’ju vijë turp. Je edhe kundërvajtje ore”, thotë ai.
(M. I./ Faxweb.al)
