Korçë: Vidhet gjatë natës një argjendari në pedonalen e qytetit. Mësohet se autori/autorët kanë hapur qepenën, dhe kanë thyer xhamin e vitrinës duke u futur brenda.
Aty kanë marrë unaza e varëse me vlerë. Po kontrollohen kamerat e sigurisë për të identifikuar autorët.
Njoftimi i Policisë:
Korçë/Informacion paraprak
Në orët e para të mëngjesit të sotëm, një shtetas ende i paidentifikuar ka vjedhur me thyerje disa bizhuteri floriri, në argjendarinë e shtetasit N. F., në pedonalen e qytetit.
Shërbimet e Policisë po këqyrin pamjet filmike dhe po kryejnë të gjitha veprimet e nevojshme hetimore, me qëllim identifikimin dhe kapjen e autorit.
Ndërkaq, një grup i posaçëm hetimor po punon për zbardhjen e rrethanave të rastit.
