Brukseli sqaron edhe njëherë tjetër mediat mbi blerjen e vilës prej 1.65 milionë eurove të Romana Vlahtinit, ambasadores së BE-së në Tiranë.
“Dhnet.be” shkruan se sipas Bashiit Europian, të gjitha procedurat janë ndjekur me korrektësi. Në një deklaratë për mediat, BE konfirmon se vila ka kushtuar 1.65 milionë Euro, megjithatë shton se shitësi në fillim kishte kërkuar 1.7 milionë euro. Kështu BE sqaron se ka kursyer rreth 100 mijë euro me këtë blerje.
Ndër të tjera, BE shpjegon edhe procedurat e ndjekura për blerjen e vilës. Kështu BE pretendon se i ka bërë thirrje agjentëve të shitjeve në Tiranë për të gjetur rezidencë për ambasadoren e BE. Agjentët propozuan 15 prona, nga të cilat u vizituan vetëm 5. Në fund u zgjodh një rezidencë, siç dihet tanimë është ajo me 345 m2 në periferi të Tiranës tek “Rolling Hills”.
Nga ana tjetër Brukseli sqaron se vila është zgjedhur në një kodër të pjerrët, pasi kështu është më pak e ekspozuar nga rreziku i tërmeteve. Por edhe për të tjera arsye sigurie. Në fund Brukseli shton se edhe të tjera kritere janë marrë parasysh, si ai i statusit të ambasadorit. (D.D/Shuplaka)
