Ish-ministri i Drejtësisë Ylli Manjani ka reaguar lidhur me protestën e mbrëmshme të opozitës, duke thënë se ishte një hap shumë I madh drejt rikthimit të pluralizmit politik në vendimmarrje.
Manjani shprehet më tej se sjellja e policisë tek kryeministria ishte korrekte ndërkohë që krejt e kundërta ndodhi sipas tij tek parlamenti,duke argumentuar se aty policia tregoi nervozitetin në rritje të pushtetit.
Ish-ministri thotë që ka ikur koha e llafeve dhe e lotëve të krokodilit për 5 policët e gërvishtur, duke i bërë thirrje qeverisë që të vërë trutë në kokë dhe të shpalli zgjedhjet e parakohshme parlamentare, duke shtuar se kaq ju ka mbetur dhe se sa më shpejt më mirë edhe për ta.
Postimi i Manjanit në facebook:
Vëzhgim:
————
Po ti hedhësh gaz e ushtrosh dhunë, opozita nuk shkrihet por vetëm ngrihet!
Sa më shumë gaz të hedhin, aq më shumë gaz i botës bëhen.
Kot e kanë që bëjnë llo llo llo në rrjete sociale! Ska nevojë për llafe, as për lotë krokodili, gjasme për 5 policë të gërvishtur…
Thjesht të vënë trutë në kokë dhe të shpallin zgjedhjet parlamentare. Kaq ju ka mbetur! Sa më shpejt, më mirë edhe për ta…
Respekt pa fund për çdo protestues! Protesta e tyre sot ishte hap shumë i madh drejt rikthimit të Pluralizmit Politik në vendimmarrje.
Respekt edhe për policinë që tek Kryeministria u tregua e matur. Por turp e faqe e zezë ishte sjellja tek Parlamenti!
Ishin dy sjellje krejt të ndryshme që reflektuan nervozitetin në rritje të pushtetit. Policia i tregoi në mënyrë krejt të sinqertë tensionin nervor të rritur në pushtet…
P.S. Tani shkoni nëpër shtëpitë e njerëzve dhe arresojini për pjesmarrje në demonstratë…
Qesharakë pa fund!
(F.GJ/FAXWEB.AL)
Discussion about this post