Në të parin vit të zbatimit të ligjit për arsimin e lartë, i cili u la dorë të lirë universiteteve të përzgjidhnin studentët, rezultojnë që këto të fundit të mos kenë rekrutuar më të mirët. Me ndryshimet e reja të bëra në sistemin e arsimit të lartë shumë student të mirë u penalizuan e shumë të tjerë me mesatare më të ulët përfituan degë të mira që më sistemin tjetër nuk kishin asnjë lloj mënyre që të futeshin në ato degë. Kjo mund të thuhet me siguri për Fakultetin Ekonomik.
Të dhënat e raportuara nga ky i fundit tregojnë që këtë vit zhvendosja e fundit e vizës së kuqe ka futur në një nga degët më të pëlqyera edhe maturantë me mesatare gjashtë. Konkretisht, fituesi i fundit në degën Ekonomiks ka pasur një mesatare aritmetike të tri viteve të gjimnazit 6.08, shumë pranë pragut të vendosur nga Këshilli i Ministrave si kusht për të vijuar studimet e larta.
Fituesit e fundit në Administrim Biznes, Financë e Informatikë Ekonomike janë me një mesatare pak më të lartë, por gjithsesi s’e kalojnë notën 7. Jo më larg se një vit më parë, një maturanti i janë dashur mbi 6 mijë pikë që të bëhet pjesë e Ekonomikut, ndërsa nota mesatare e fituesit të fundit luhatet mes 9.2 dhe 9.9.
Trendi i cilësisë në zbritje vlen edhe për ekselentët e renditur në krye të listave të fituesve. Ndërsa vjet flitej për mesatare aritmetike mbi notën 10, këtë vit mezi i afrohet. Paradoksi i krijuar me formulat e reja të pranimeve pritet të përmirë- sohet me shpalljen e kritereve të reja. I vetmi universitet që shmangu këtë ishte Universiteti i Mjekësisë, i cili që në krye të herës vendosi një prag hyrjeje me notë mesatare jo më të ulët se 8. (E.K/SHUPLAKA)
Discussion about this post