Kreu i Grupit Parlamentar të PS-së Taulant Balla përmes një njoftimi në ‘Facebook’ ka sqaruar se nuk ka qenë ai që i ka kënduar diktatorit Enver Hoxha por dy nxënës të tjerë, që sipas Ballës quhen A.Belba dhe A. Omeri.
“Këta nuk paskan as turp kur gënjejnë gjithë ditën dhe as minimumin e dinjitetit njerëzor. Si ka mundësi që as nuk skuqen dhe as kërkojnë ndjesë kur gënjeshtra u del në publik.
Por në respekt të publikut, po sqaroj se një këngë në festivalin e Gjirokastrës për diktatorin nuk është kënduar kurrë nga unë por nga dy nxënës të asaj kohe nga zona e Prrenjasit të cilët quhen A.Belba dhe A. Omeri”, shkruan Taulant Balla.
Ky reagim i kreut të Grupit Parlamentar të PS vjen pasi Albana Vokshi në kundërpërgjigje të paralajmërimit të Ballës se do e padiste për shpifje pas deklaratës për Teatrin Kombëtar, i publikoi një video ku Taulant Balla, sipas saj i këndon këngë diktatorit.
Postimi i Vokshit:
Rri në mes dëgjon e qeshet,
kur ja themi si bilbilat…
Eeee moreee, eh,
eeeee, moj eeee…
