Ditën e sotme pritet që të votohet qeveria e re maqedonase, e cila do të kryesohet nga Zoran Zaev i LSDM-së. Një ditë më parë, mandatori Zaev i parashtroi kuvendit maqedonas kërkesën për formimin e qeverisë.
Ndërkaq, mbledhjen për qeverinë e re, kryetari i Kuvendit, Talat Xhaferri, e ka caktuar në orën 11:00, duke iu parashtruar deputetëve programin dhe përbërjen.
Në qeverinë e re pritet që ministra të kenë partitë: LSDM, BDI, Aleanca për Shqiptarët. Gjashtë prej ministrive flitet se do të drejtohen nga shqiptarët. BDI do të marrë dikasterin e Euro-Integrimeve, ministrinë e Drejtësisë, ministrinë e Ekonomisë dhe Planifikimit Hapësinor dhe do të ketë një dikaster pa portofol.
Nga ana tjetër, Aleanca për Shqiptarët do të drejtojë dy ministri, atë të Shëndetësisë dhe ministrinë e Pushtetit Lokal.
Mësohet edhe se kanë dalë emrat e atyre që do të zëvendësojnë Zaevin dhe 5 ministra të tjerë. Zoran Zaevin, kryeministër i ri i Maqedonisë, do ta zëvendësojë Sashko Atanasov.
(XH.A/SHUPLAKA)
Discussion about this post