Me vrasje nisi mëngjesi dhe me vrasje u prit nata! Pa kaluar 24 orë nga ekzekutimi i Martin Bardhit, një breshëri plumbash do të buçiste te shinat e trenit në Katund të Sukthit, për t’i marrë jetën 38-vjeçarit Fatjon Dervishi.
Në Rrëshen, përpos vrasjes së 59-vjeçarit në lokalin e tij, rreth orës 10:40 pranë Komisariatit dhe Spitalit, u plagosën tre të afërmit e tij, Oltion Gjini, ish-drejtor në bashkinë e Mirditës, Ilir Bardhoku, pronar i një lokali në zonë dhe Indrit Bardhi.
Si në skenarët e mëparshëm dhe të shpeshtë, fataliteti i marrjes së jetës, kryhet me një automjet i cili më pas digjet jo shumë larg nga vendngjarja. Persona të paidentifikuar qëllojnë me breshëri kallashnikovi duke shkaktuar në raste të shpeshta dhe viktima të “rastit”. Sipas burimeve zyrtare, pistat e hetimit për 59-vjeçarin kanë në qendër të tyre hakmarrjen.
Atentati në Rrëshen, zbardhet identiteti i viktimës, ishte liruar nga burgu pak kohë më parë
Fatjon Dervishi, sipas burimeve, është qëlluar me breshëri kalashnikovi, te shinat e trenit në Katund të Sukthit, duke shkaktuar vdekjen e tij gjatë transportimit për në spital.
Në të dyja ngjarjet autorët janë të paidentifikuar, ndërsa policia e shërbime të tjera si FNSH dhe RENEA kanë ngritur pika kontrolli të shumta në kërkim të tyre.
(Xh.H/FaxWeb.al)
Discussion about this post