Presidenti i Rusisë, Vladimir Putin ka folur për herë të parë për vrasjen e ambasadorit rus, Andrei Kralov, ngjarje e ndodhur pasditen e sotme.
Në një konferencë të jashtëzakonshme për mediat, kreu i Kremilit u shpreh se vrasja e diplomatit rus është një provokim i pastër që kërkon të dëmtojë procesin e paqes në Siri.
“Dua të shpreh ngushëllimet e mia për familjen e ambasadorit. Ne kemi shumë pyetje dhe duhet t’u përgjigjemi një nga një. Kush e vrau dhe kush dha urdhër për këtë?!. Ajo që mund të them tani është se vrasja e ambasadorit është një provokim i pastër për të dëmtuar procesin e paqes në Siri, të promovuar nga Rusia, Turqia dhe Irani ”, tha Putin, duke përjashtuar idenë se Turqia mund të ketë gisht në vrasje.
“E vetmja përgjigje që mund të japë Moska për këto veprime është te distancohet dhe të luftojë kunder terrorizmit”, përfundoi Vladimir Putin.
Diplomati rus u vra pasditen sotme në kryeqytetin turk nga një 22-vjeçar, punonjës i policisë, i cili më pas u ekzekutua nga kolegët e tij. (A.R/SHUPLAKA)