Partia Demoratike ka reaguar lidhur me vrasjen e ambasadorit rus në Turqi, i cili nuk i mbijetooi dot plagëve të marra. Në reagimin e saj, opozita shqiptare shprehet se ky veprim cënon mirëkuptimin dhe komunikimin mes palëve, aq i nevojshëm në këto kohë të vështira.
“Partia Demokratike dënon me ashpërsi vrasjen e ambasadorit rus në Turqi. Vrasja e një diplomati në detyrë është një akt i rëndë që cënon thelbësisht atë çfarë kemi më shumë nevojë në këto kohë të vështira, komunikimin dhe mirëkuptimin mes palëve. Partia Demokratike i shpreh ngushëllime familjes së ambasadorit dhe autoriteteve ruse në këto çaste të rënda për ta”, citohet në deklaratën e PD-së. (XH.A/SHUPLAKA)
Discussion about this post