Klodian Bane është personi që është shpallur në kërkim për vrasjen e Jurgen Kurtit, i cili dyshohet të jetë dhe ekzekutori.
Dje nga Policia u arrestuan Elsi Levendi, Olsi Qalliaj dhe Alesio Berberi, të tre banues në qytetin e Fierit.
Ende nuk ka një motiv të deklaruar nga ana e Policisë për ngjarjen e ndodhur, ndërsa është zbardhur dhe dinamika që kanë ndjekur të rinjtë gjatë ekzekutimit.
Hetimet që çuan në arrestimin e të rinjve:
Mësohet se grupi hetimor ra në gjurmët e tyre përmes përgjimeve telefonike të kryera.
Në bisedat mes tyre është përmendur shuma 30 mijë euro, që dyshohet se ata kanë marrë për të kryer vrasjen.
Asnjë prej 3 të arrestuarve nuk ka folur për porositësin e vrasjes së Kurtit, pavarësisht se e kanë pranuar akuzën.
Mësohet se kamerat e sigurisë që kanë qenë rreth zonën ku u vra Jurgen Kurti kanë fiksuar që katër personat janë takuar pas atentatit, ndërkohë që ai që e ka ndjekur në këmbë viktimën ka qenë 21-vjeçari Elsi Levendi.
Arma dhe makina që dyshohet se u përdorën në vrasje janë gjetur në banesën e të arrestuarit Alesio Berberi.
Vrasja e Jurgen Kurtit u krye në datën 18 Mars në rrugën “Zef Jubani” në kryeqytet, poshtë pallatit ku 26-vjeçari jetonte së bashku më të ëmën e tij.
Kurti ishte një person i njohur për mediat dhe policinë, pasi ai kishte qenë i përfshirë më herët në vrasjen e të atit dhe të Agim Arapit në qytetin e Durrësit. Për të dyja këto ngjarje ai ishte shpallur i pafajshëm nga ana e Gjykatës.
Disa ditë pas vrasjes u shpall në kërkim dhe djali i Agim Arapit, po ai i mohoi akuzat që të kishte gisht në këtë ngjarje, duke sqaruar se nuk kishte ardhur në Shqipëri që prej muajit Janar të këtij viti. (Lexo ketu)
(E.K/FAXWEB.AL)
Discussion about this post