Për vrasjen e bujshme të Santiago Malkos, Policia ka shpallur në kërkim 8 persona, pas dokumentimit të ngjarjes që tronditi kryeqytetin në gusht të këtij viti.
Ndërkohë ditën e sotme janë sekuestruar edhe disa nga automjetet që u përkisnin personave të shpallur në kërkim ku dy prej makinave, Audi A8 W10 e blinduar që kap vlerën 300 mijë euro dhe automjeti Mercedes Benz, GLE V8 biturbo, që kap një vlerë rreth 100 mijë eurove janë në zotërim të Leonard Dukës.
Makina Mercedes Benz, GLE V8 biturbo ai ia kishte bërë dhuratë disa kohë më parë të dashurës së tij, Trejsi Sejdini. Ish-miss Univers Albania 2018, Trejsi Sejdini ka publikuar edhe disa foto në rrjetet sociale me këtë makinë.
Kujtojmë se fiks një muaj nga vrasja e 26-vjeçarit Santiago Malko, Prokuroria e Tiranës i është drejtuar gjykatës për të kërkuar masën e sigurisë “arrest me burg” për tetë persona të dyshuar si të përfshirë në ekzekutimin e 26- vjeçarit.
Prokuroria ka kërkuar masën “arrest me burg” për vellezërit Leonard dhe Elis Duka , Fatmir Hyseni, Xhoni Nica, Oltian Loka, Ilir Selmani, Aleksandër Maxhaku, dhe Dritan Agaj.
Ndaj tetë personave janë ngritur akuzat e “vrasjes me paramendim”, “armëmbajtjes pa leje”, “vjedhjes”, vepra keto të kryera në kuadër të grupit të strukturuar kriminal (lexo KËTU për më shumë)
