Vuri në rrezik 7 familje, policia shpall në kërkim 36-vjeçarin për zjarrin në Mallakastër

Pas zjarrit masiv në fshatin Çorrush të Mallakastrës që vuri në rrezik rreth 7 familje, policia ka shpallur në kërkim një 36-vjeçar për zjarrvënie.

“Nga hetimet paraprake dyshohet se zjarrin e ka vënë shtetasi L.L, 36 vjeç, banues në lagjen “Bajraktari”, Mallakastër, i cili është shpallur në kërkim dhe po punohet për kapjen e tij.

Ky shtetas i ka vënë zjarrin një sipërfaqe të tokës së tij për të djegur disa barishte dhe për pasojë zjarri është përhapur dhe janë djegur rreth 10 hektarë shkurre.”, thuhet në njoftimin e policisë.

Mësohet se si pasojë e flakëve, deri më tani janë djegur rreth 10 hektarë shkurre dhe rreth 4200 rrënjë ullinj.

Ndërkohë nga flakët për orë më radhë mbetën të bllokuar 7 familje të Lagjes Asllanaj, të cilët ishin rrethuar nga flakët. (D.D/Shuplaka)