Xhafaj: Ta bëjmë Shqipërinë të parehatshme për kriminelët, krimi s’ka logo dhe markë

Ministri i Brendshëm Fatmir Xhafaj duke folur në nismën e re të kësaj ministrie ‘’forca e ligjit” ka thënë se krimi nuk ka logo dhe markë shqiptare.

Po ashtu Xhafaj tha se grupet kriminale në vendin tonë nuk janë të mirëstrukturuara dhe në këtë mënyrë mund të goditen edhe më lehtë nga ana e shtetit. 

“Puna intesive si ligjvënës, si jurist dhe tashmë si ministër i Brendshëm më kanë treguar se ka dy rrugë për krimin, bashkëjetesa me të dhe e dyta lufta pa kompromis ndaj tij. Edhe sot ne këto po bëjmë, po shpallim luftën multifrontale ndaj strukturave kriminale, aseteve dhe bashkëpunëtorëve të tyre, ta bëjmë vendin tonë një vend të parehatshëm për kriminelët.

Krimi i organizuar nuk ka markë shqiptare dhe as nuk jemi ne të vetmit që e vuajmë këtë fenomen. Pavarësisht përparaimeve të bëra, jemi larg një shoqërie ku sundojnë ligji dhe drejtësia, dhe se ligji është i barabartë për të gjithë.

Mesazhi që dua të përcjell sot për qytetarët e mij është një dhe i qartë; krimi nuk do të ketë më vend në Shqipëri, e kam marrë këtë sfidë i ndërgjegjshëm për sfidën që na pret, pa rend dhe siguri publike nuk mund të ketë ekonomi për askënd.

Do përdorim çdo mjet demokratik për ta bërë të mundur këtë. Krimi i organizuar edhe pse ka lidhje me segmente të krimit në Europë, ende nuk ka një strukturë vertikale, dhe në këtë rast shteti duhet që të përfitojë për ti goditur”, u shpreh ndër të tjera Xhafaj.

(E.K/FAXWEB)