Kriza politike në Maqedoni duket se nuk do të zgjidhet edhe për pak kohë, duke qenë se partitë politike kundërshtare vijojnë të shkaktojnë tension me deklaratat e tyre. Së fundmi, duke u ndalur tek ligji pët gjuhët, kreu i LSDM-së, Zoran Zaev, u shpreh se do të mbështeten politikat gjuhësore.
“Do të mbështesim ndryshime ligjore në pajtim me amendamentin 5 të Kushtetutës, që t’i mundësojmë bashkësisë etnike shqiptare që të komunikojnë në gjuhën e tyre amtare me të gjitha institucionet shtetërore. Do të ketë ndëshkime për të gjitha institucionet që nuk do të respektojnë këto vendime”, është shprehur Zaev.
I menjëhershëm ka qenë reagimi i Antonio Milloshovski nga VMRO-DPMN, i cili mbajti një konferencë për shtyp si përgjigje ndaj promovimit të programit qeveritar të LSDM-së. Ai i kërkoi Zaevit të heqë dorë nga ajo që ata e cilësojnë si platforma e sjellë nga Tirana:
“Zaev u ngatërruar me paralajmërimet për debate për simbolet shtetërore. Nëse duan që ta ruajnë unitaritetin e shtetit, atëherë t’i tregojë edhe opinionit se e hedhin poshtë platformën e Tiranës. Ai edhe njëherë konfirmoi se është i shantazhuar dhe me mashtrim të interesave shtetërore do që ta vjedh pushtetin. Deri dje Zaev ka gënjyer se me BDI-në dhe Selën kanë biseduar vetëm për parimet kryesore, por nuk e ka zbuluar përmbajten e saj.”
(XH.A/SHUPLAKA)
