Gazetari Klodian Tomorri ka bërë një reagim në rrjetet sociale ku ka interpretuar edhe atë që parashikon ligji për rastet e fatkeqësive natyrore si dhe kur shpallet gjendja e jashtëzakonshme nga Këshilli i Ministrave.
Ndërkohë që prej orësh vendi është future në një gjendje kaotike ku raportohet për të paktën 22 viktima, mbi 600 të plagosur dhe mbi 42 të shpëtuar, ende nuk ka asnjë qëndrim zyrtar në lidhje me detajet e sakta të fatkeqësisë natyrore që ka prekur Shqipërinë ku përfshihen dëmet në njerëz dhe dëmet materiale dhe gjithashtu.
Tomorri i referohet ligjit të miratuar në parlament nga mazhoranca aktuale në lidhje me shpalljene gjendjes së jashtëzankonshme ku citon: -“Fatkeqësi natyrore” janё fatkeqësitë që shkaktohen nga dukuri natyrore ekstreme, që lidhen me tërmetet, përmbytjet …. që ndikojnë në jetën e njerëzve, gjënë e gjallë, pronën etj”.
Ditën e sotme kryeministri Edi Rama ka qëndruar në qytetin e Durrësit ku edhe dëmet nga tërmeti tragjik kanë qenë më të mëdha, por që ka refuzuar t’ju përgjigjet gazetarëve kur është pyetur nëse do ta shpallte gjendjen e jashtëzakonshme.
Nga ana tjetër shtete partnere të Shqipërisë kanë ofruar ndihmë në burime njerëzore, ushtarake, ekspertësh, por edhe në kontribute humanitare të llojeve të ndryshme ndërsa kanë ardhur edhe mesazhe ngushëlluese për viktimat e tërmetiut tragjik.
Reagimi i plotë i Klodian Tomorrit:
Ky eshte ligj qe e ka miratuar kjo qeveri, ky parlament, kjo maxhorance vetem 3 muaj me pare.
1-“Fatkeqësi natyrore” janё fatkeqësitë që shkaktohen nga dukuri natyrore ekstreme, që lidhen me tërmetet, përmbytjet …. që ndikojnë në jetën e njerëzve, gjënë e gjallë, pronën etj.
2-“Gjendja e fatkeqësisë natyrore” ёshtё gjendja e vendosur nga Këshilli i Ministrave në përputhje me Kushtetutën, për parandalimin ose mënjanimin e pasojave të një fatkeqësie natyrore.
3- Për çdo rast të shpalljes së gjendjes së fatkeqësisë natyrore, sipas këtij ligji, Këshilli i Ministrave krijon Komitetin Ndërministror të Emergjencave Civile.
4-Komiteti Ndërministror i Emergjencave Civile kryen këto detyra:
a) bashkërendon gjithë veprimtarinë e institucioneve dhe të strukturave të mbrojtjes civile;
b) përcakton mënyrat dhe procedurat për përdorimin e burimeve materiale e financiare;
c) vendos shpërndarjen e fondeve për rimëkëmbjen nga fatkeqësitë natyrore;
ç) cakton drejtuesin qendror të operacionit për menaxhimin e fatkeqësisë natyrore;
d) kryen detyra të tjera që burojnë nga ky ligj dhe detyra të veçanta të caktuara nga Këshilli
i Ministrave për përballimin e fatkeqësisë.
5-Në çdo rast, kur shpallet gjendja e fatkeqësisë natyrore, kompensimi mund të bëhet me vendim të veçantë të Këshillit të Ministrave, me propozim të ministrit.
6- Masa e kompensimit të dëmeve, procedurat, afatet, strukturat shtetërore përgjegjëse për vlerësimin e dëmeve, si dhe pasuritë dhe subjektet që kompensohen miratohen me vendim të Këshillit të Ministrave.
P.s: Prandaj nuk kishim asnje burim zyrtar te koordinuar informacioni ne sot. Prandaj nuk kishte nje qender komande per te komanduar gjithe operacionet e kerkim shpetimit. Prandaj edhe tani nuk e dime sa ndertesa jane shembur sa njerez jane nen rrenoja.
Zakonisht qeverite apo shtetet qe nuk zbatojne/respektojne ligjet apo vendimet e tyre quhen qeveri apo shtete zuzare.
(F.GJ/FAXWEB.AL)
Discussion about this post