Një tjetër koncesion e ka radhën tashmë! Mësohet se qeveria do të japë me koncesion laboratorët e analizave të shërbimit spitalor në 18 spitale të vendit, përfshirë këtu të gjithë laboratorët biokimikë, klinikë, mikrobiologjikë.
Bëhet fjalë për një projekt të ri të përfshirë në projektbuxhetin e 2017-ës. Është përfshirë në të “Ofrimi i shërbimeve laboratorike spitalore”, për të cilin janë parashikuar rreth 7 milionë euro. Është cilësuar si skemë e partneritetit publik-privat por bëhet fjala për koncesionin e radhës.
Ky operator privat që do të ofrojë shërbim “falas” për qytetarët, do të paguhet me tarifë të përcaktuar nga qeveria, përmes Fondit të Sigurimit të Detyrueshëm Shëndetësor.
Pavarësisht deklaratave të shkurtra të ministrit të Shëndetësisë, Ilir Beqaj, vetë ministria nuk ka bërë publike asnjë informacion apo procedurë lidhur me hartimin e politikës së re dhe zbatimit të saj. Në një email konfidencial të zotëruar nga “Exit.al”, i cili është dërguar më 10 nëntor 2016, kërkohet nga ministria planimetria e detajuar e spitaleve. Kjo bëhet me qëllim hapjen e procedurës për koncesionin e laboratorëve për 18 spitale nga ana e MSH-së me konsulencë të IFC-së.
Është zbardhur edhe letra që Ministri i Shëndetësisë, Ilir Beqaj, i ka kthyer Komisionit të Shëndetësisë në Kuvend, i cili i kërkoi Beqajt të depozitonte procedurat e tenderit që është duke u bërë për dhënien me koncesion të Laboratorëve të spitaleve. Në letrën e zbardhur, “Syri.net” shkruan se “ministri i ka fshehur Kuvendit, termat e tenderit të marrëveshjes koncensionare që ministria e tij është duke bërë për laboratorët.”
[ngg_images source=”galleries” container_ids=”77″ exclusions=”158,159,160,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post