Zbardhet e vërteta e masakrimit të 20-vjeçarit në Delvinë, u vetëplagos në kushtet e depresionit

Mëngjesin e ditës së sotme u raportua masakrimi me thikë i një 20-vjeçari në Delvinë, i cili për shkak të gjendjes së rënduar shëndetësore, u transportua në Tiranë për mjekim të specializuar. Ndryshe nga informacioni paraprak që policia dha, mësohet se e vërteta qëndron ndryshe.

20-vjeçari Ardit Halili 20 vjeç, banues në lagjen “L. Malo” në Delvinë, dyshohet se është vetëplagosur me mjet prerës. Dyshohet se i riu ka vepruar në kushtet e depresionit.

Detaje të policisë:

Rreth orës 08:25, në lagjen “L.Malo” Delvinë, dyshohet se është vetëplagosur me mjet prerës në banesën e tij, shtetasi A.H., 20 vjeç.

I dëmtuari është dërguar menjëherë në Spitalin e Sarandës për të marrë ndihmë mjekësore dhe më pas është nisur me Helikopter në drejtim të Tiranës për mjekim më të specializuar.

Dyshohet se personi ka vepruar ne kushtet e depresionit. Grupi hetimor ndodhet në vendngjarje duke kryer hetimet e mëtejshme në lidhje me rastin.

(XH.A/SHUPLAKA)