Zbardhet kërkesa e gjashtë e Ismailajt për Trupën Gjyqësore: E ka pranuar vetë që nuk është e paanshme (E PLOTË)

Zbardhet kërkesa e gjashtë e Kastriot Ismailajt, ish-administratorit të DIA-s, bërë trupës gjykuese për mospranim të saj.

”…i gjykuari e kishte humbur besimin në paanësinë e kësaj trupe gjyqësore”, sjell si arsye Ismailaj për këtë kërkesë.

Kërkesa vazhdon më tej: ”Në rastin në fjalë nga ana e trupit gjykues me vendimarrjen e tyre i datës 23.12.2016 është cënuar realisht e drejta e mbrojtjes të të pandehurit. Sjellja e gjykatës bëhet më evidente në kushtet kur vetë ajo e ka pranuar me kërkesën për dorëheqje se nuk është e paanshme në gjykimin e çështjes kundër Kastriot Ismailajt”.

Trupi gjykues i të pandehurit Kastriot Ismailajt ka dhënë sot sërish dorëheqjen. Gjatë seancës të së premtes, kryesuesja e trupit gjykues,  Vjollca Spahiu ka njoftuar se ajo edhe dy anëtarët e tjerë të trupit gjykues i kanë paraqitur kryetarit të Gjykatës Tiranë dorëheqjen nga gjykimi i çështjes së Kastriot Ismailajt, duke argumentuar kërkesat e shumta të të pandehurit për të hequr këtë trup gjykues.

Nëse kryetari i Gjykatës do të pranojë dorëheqjen e gjyqtarëve të Ismailajt atëherë automatikisht trupa e re e gjyqtarëve do të zgjidhet do të duhet të rinisë procesi nga fillimi, çka nënkupton zvarritjen e mëtejshme të këtij procesi, i cili deri më tani ka 10 muj që po zhvillohet. 

Ismailaj akuzohet nga prokuroria se ka krijuar nëpërmjet mashtrimit financiar shoqëri fiktive dhe off-shore në Shqipëri dhe në vende me parajsa fiskale. (V.G/SHUPLAKA)

[ngg_images source=”galleries” container_ids=”401″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]