Bashkia e Tiranës ka zëvendësuar së fundmi pemët e dëmtuara në Parkun e Madh të Liqenit. Lidhur me këtë nismë, nënkryetari i bashkisë, Arbjan Mazniku, shprehet se zëvendësimi i tyre është një domosdoshmëri.
Ai thekson se do të vijojë puna për ta kthyer këtë hapësirë në një hapësirë të gjallë bashkë me investimet e tjera në park.
“Jemi duke pyllëzuar një pjesë të parkut të liqenit, e cila ka qenë me pemë të dëmtuara dhe mbushjet e tilla kanë vijuar gjatë gjithë kësaj kohe, do të vijojnë në të gjithë hapësirën e parkut për ta pyllëzuar thellësisht. Ne duam ta kthejmë atë në një hapësirë të gjallë në secilën prej pjesëve të tij, bashkë me investimet e tjera në park, shtimin e rrugëve për këmbësorët, shtimin e një korsie për biçikletat dhe shtimin e një korsie të mirëfilltë për vrapin.
Është një hapësirë që duhet të ketë mundësi të jetohet dhe pjesë e të qënurit e jetueshme do të thotë që njerëzit të mund të ulen në stola, të bëjnë vrap në një pistë të mirëfilltë vrapi, të kenë mundësi të ecin, si dhe të lëvizin me biçikletë në park, në një rrugë të re të posaçme që bëhet vetëm për ta.”, u shpreh Mazniku.
(XH.A/SHUPLAKA)
Discussion about this post