Pas analizës së kryeministrit Edi Rama për protestën që po zhvillohet përballë selisë së kryeministrisë, të cilën e cilësoi si qesharake, analisti Andi Bushati bën një koment tepër skeptik.
I ftuar në “Rubrikën e Opinionit”, Bushati shprehu dyshimin nëse kjo protestë do të rezultojë efektive, pasi sipas tij Rama ka blerë jo vetëm mediat, por të gjithë anti-korpet pranë tij. Për këtë arsye, Bushati është i mendimit se këtë radhë, zgjedhjet do t’i ngjajnë zgjedhjeve të Putinit në Rusi dhe Erdoganit në Turqi.
“Dikush që përdor 3 argumenta që çalojnë në themel nuk mendoj se është i qetë pavërësiht nga pamja. Huazoi një tezë që e kemi dëgjuar nga Taulant Balla, që opozita bën protestë se nuk do vettingun. Argumenti tjetër është paralelizmi që bëri me 21 janarin. Është pika më e fortë e Ramës që thotë se në fund të fundit këtu protestuesit dalin të lirë dhe jo si në 21 janar, por edhe këtu çaloi se demonstruesit e djeshëm nuk ishin si të 21 janarit, pasi ata sulmuan. Argumenti tjetër është zhvlerësimi i zgjedhjeve të lira. Ai bën sikur punët janë vaj, dhe zgjedhjet nuk vidhen. Zgjedhjet shqiptare i ngjajnë më shumë zgjedhjeve të Putinit dhe Erdoganit.”, tha Bushati.
Ndërkohë, Bushati ndan një mendim edhe për mosreagimin e LSI-së ndaj kësaj proteste.
“Është e njëjta gjë që bën LSI, nuk mban vendime të qarta, do një dorë ta ketë në bakllava e tjetrën në kadaif. Nëse ti ke një ndeshje kaq të madhe konceptesh. LSI gjithnjë këtë lojë ka bërë, dhe në çështjet kryesore të vendit ka bërë politikë pa u prononcuar. Nuk mendoj se Meta do krijojë aleancë me Bashën. Debati më i madh është a do dalë Meta vetëm apo me Ramën?”, shprehet Bushati. (D.D/Shuplaka)
