Zgjedhjet në 25 qershor, por sa kohë kanë partitë të rregjistrohen

Nuk ka shumë që është zbardhur marrëveshja mes kryeministrit Edi Rama dhe kreut të opozitës Lulzim Basha, ku thuhet se Rama i ka dorëzuar opozitës plot 6 ministri sëbashku me postin e zëvendës kryeministrit si edhe që zgjedhjet do të zhvillohen më 25 qershor. Por sa kohë kanë partitë të rregjistrohen në zgjedhje?

Në marrëveshjen e publikuar, thuhet që regjistrimi i listave shumemërore të partive politike të opozitës duhet të bëhet brenda datës 26 Maj 2017. Domethënë vetëm 8 ditë kohë.

Pjesë nga marrëveshja:

ZGJEDHJET

-Presidenti i Republikës dekreton datën e re të zgjedhjeve më 25 qershor 2017.

-Regjistrimi i menjëhershem i partive politike të opozitës. Regjistrimi i listave shumemërore të partive politike të opozitës brenda datës 26 Maj 2017.

Listat e zgjedhësve:

-Përfshirja në listat e zgjedhësve e zgjedhësve të rinj që votojnë në datën e re të zgjedhjeve.

-Dhënia e aksesit opozitës në informacionin e mbledhur nga projekti i Adresave dhe çështjet të tjera të lidhura me zgjedhësit, nëpërmjet auditeve të KQZ-së.

-Mbështetje KQZ-së për përgatitjen e materialeve zgjedhore.

-Plotësimi i komisioneve zgjedhore dhe grupeve të numërimit.

-Zgjedhjet e pjesëshme për bashkinë e Kavajës, do të zhvillohen në të njëjtën ditë me zgjedhjet e përgjithëshme.

-Pezullimi i çdo iniciative për kontrata të përkohëshme në nivel qëndror dhe vendor.

-Mbështetje ndërkombëtare për forcimin e monitorimit te listës së zgjedhësve.

-Mbështetje ndërkombëtare për KQZ- për ngritjen e linjave telefonike të ndihmës për vezhgimin dhe shqyrtimin e ankesave mbi ligjin e shërbimit civil dhe blerjen e votës. (D.D/Shuplaka)