Para pak momentesh ka shkuar të votojë në qendrën e votimit edhe kandidati i opozitës Emri Vata. Në një prononcim për mediat jashtë qëndrës së votimit ai u shpreh se kjo është një ditë e shënuar për të ardhmen e Kukësit.
Këto zgjedhje nuk vlejnë vetëm për qytetin verilindor por për të gjithë Shqipërinë. Sipas Vatës janë evidentuar disa shkelje që do të bëhen publike më vonë, pas votimit.
Emri Vata: “Sot është një ditë e shënuar, një ditë e shenjtë për Kukësin, për kuksianët, për familjen kuksiane dhe për të ardhmen e Kukësit. I ftoj të gjithë banorët e Kukësit që t’i drejtohen masiovisht kutive të votimit, të shprehin vullnetin e tyre në mënyrën më të mirë të mundshme, të lirë dhe demokratike. Dri në këto momente ne kemi evidentuar çdo lloj poroblematike, çdo lloj paligjshmërie që tebtohet për të deformuar vulnetin e zgjedhësve. Do paraqiten më pas në komunikatë.
Deri në këto momente ka qenë qetë situata, por tentativat nëse dokumentohen nga ana jonë do t’jua paraqesim. Këto zgjedhje janë të rëndësishme jo vetën për Kukësin, jo vetëm për kuksianët, por janë përtej Kukësit, janë zgjedhje të rëndësishme për gjithë Shqipërinë”, tha Vata.
Sot mbahen zgjedhjet e pjesshme lokale në bashkinë Kukës. Zgjedhjet e 14 majit do të përsëriten në bashkinë verilindore pas video-skandalit me ish-kryebashkiakun Safet Gjici. Emri Vata ka përballë kandidatin e Partisë Socialiste, Albert Halilaj.
Për këto zgjedhje janë angazhuar rreth 100 forca policie, ndërkohë deri më tani nuk ësht shënuar asnjë incident.
Discussion about this post