Partia “Zgjidhja” e Koço Kokëdhimës, ka reaguar lidhur me raportin e ministrave teknikë, lidhur me zgjedhjet e 25 qershorit.
Kjo forcë politike sulmon kreun e Partisë Demokratike Lulzim Bashën, duke thënë se ka bashkëpunuar me kryeministrin Rama për zgjedhjet e 25 qershorit, pavarësisht se tanimë ankohet se PS-ja i vodhi votat. Sipas Zgjidhjes, tanimë është prishur “pazari i 18 majit”.
REAGIMI I PARTISË ZGJIDHJA
Basha u bë me Ramën në zgjedhje, tani ankohet se PS i vodhi ato Lulzim Basha deklaroi sot se: “Zgjedhjet u dhunuan dhe manipuluan nga Edi Rama dhe makineria e tij e pushtetit e ndihmuar nga krimi i organizuar dhe paratë e drogës dhe të korrupsionit”!!
Flet kështu ai dhe PD-ja që bashkëpunuan me Ramën dhe Rilindjen për të realizuar dhe legjitimuar zgjedhjet e 25 Qershorit ku “makineria e pushtetit” së bashku me krimin e organizuar vunë në “punë” miliardat e drogës dhe korrupsionit. Pas zgjedhjeve PD-ja heshti.
Tani që, me sa duket, është prishur pazari i 18 Majit, Basha bërtet për një gjë që ZGJIDHJA e paralajmëroi dhe denoncoi përpara, gjatë dhe pas zgjedhjeve në fjalë. Vendi është në rrezik! Ai është kapur nga një klan qeverisës i kriminalizuar, mafioz dhe i korruptuar deri në palcë.
“Opozita zyrtare” është e paaftë, por edhe pjesë integrale e kësaj elite të kalbur politike që për më shumë se dy dekada, e ka rreshtuar Shqipërinë mes vendeve më të varfra dhe më të korruptuara të botës, më keq se shumica dërmuese e vendeve afrikane të botës së tretë.
ZGJIDHJA është e vetmja alternativë për Shqipërinë. Ajo përfaqëson zërin e popullit shqiptar, që kërkon dhe meriton të jetojë normalisht si gjithë vendet e tjera të Europës. #ZGHIDHJApërShqipërinë (D.D/Shuplaka)
Discussion about this post