Kur kanë kaluar dy vite nga zhdukja dhe më pas gjetja e trupit të Kreshnik Beqirajt në Fier, të tjera detaje kontradiktore kanë dalë nga ekspertiza e eshtrave të gjetura në një valixhe në rrugën Fier-Grecalli.
I vëllai i tij, Donjet Beqiraj, ka dërguar në redaksinë e Faxëeb.al raportin për të cilin thotë se është bërë nga ekspertiza në Tiranë për të cilin thotë se nuk janë marrë AND-ja nga ndonjë familjar i të ndjerit.
Në këtë raport mjeko-ligjor arrihet në përfundimin se nga hetimet e realizuar në konsiderimin e provave material, në kockat e gjetura në valixhe, në rrobat e viktimës dhe në banesën e autorit të dyshuar të shtetasit Bashkim Çaushi, “Pjesët kockore nuk janë eshtra humane .”
Familja këmbëngul që Albert Zekaj është paguar nga persona të tretë për të kryer vrasjen e Kreshnik Beqirajt. Kujtojmë se Zekaj në policia ka deklaruar se ai e ka qëlluar me çekiç Beqirajn, dhe më pas trupin e ka future në një valixhe dhe e ka hedhur mes ferrave. (Lexo edhe ketu)
Raporti i plotë i dërguar nga Donjet Beqiraj:
Nga kqyrja e vendit të ngjarjes ka rezultuar se ajo ndodhet në rrugën Fier-Grecalli. Në distancë150 metra nga ana lindore e kësaj rruge, u gjet në disa shkurre e ferra, një valixhe me eshtra si të njeriut. Gjithashtu në vendin e ngjarjes në mënyrë të shpërndarë u gjetën një batanije, eshtra dhe pjesë skeleti dhe një copë indi (krahu) me një tatuazh në formë “TRIBALI.
Nga akti i ekspertimit mjeko-ligjor nr 292 datë 28.06.2018, ka rezultuar se; “Pjesët përbërëse të skeletit siç janë kockate krahëve, parakrahëve kockat e legenit, vertebra lumbare dhe kocka të duarve janë eshtra humane. Pjesët kockore të shpatullave kërcinj dhe dy kockat e tjera, objekt ekspertimi, referuar karakteristikave anatomike dhe tafanomike nuk i përkasin të njëjtit individ dhe nuk kanë të dhëna të mjaftueshme për të përcaktuar nëse janë humane apo jo. Pjesët kockore objekt ekspertimi nuk i përkasin të njejtit individ. Pjesët kockore të identifikuarar si humane i përkasin seksit mashkull me moshë 30 vjecar -40 vjeç dhe gjatësi shtati rreth 170 cm. Pjesët kockore të identifikuara si humane nuk paraqesin dëmtime. Koha e vdekjes është jo më shumë se,1 vit nga koha e gjetjes së eshtrave.”
Nga akti i ekspertimit biologjik ADN nr. 5146 datë11.05.2018 ka rezultuar se; “Në dy thikat (provë materiale 1), objekt ekspertimi, marrë në banesën e shtetasit Bashkim Çaushi, nuk ka njolla gjaku njeriu.”
Nga akti i ekspertimit mjeko-ligjor nr294 datë 28.06.2018 ka rezultuar se: “Pjesa kockore është humane por për përfitimin ose jo të profilit gjenetik të ADN duhet ti drejtohen Instituti të Policisë Shkencore Tiranë pasi IML nuk kryen ekzaminimin për përfitimin e profilit gjenetik të AND-seet.”
Nga akti iekspertimit biologjik ADN nr. 5147 datë 11.05.2018 ka rezultuar se ; “Mbetjet kockore(prove material 1),object ekspertimi marrë nga mbetjet skeletore, s’kanë vlera identifikuese individuale (me metodat dhe mjetet që ne disponojmë), me analizn e ADN-së. Aktit të ekspertimit i bashkangjitet formulari për ekzaminim të përgjithshëm dhe tabela fotografike.”
Nga akti iekspertimit biologjik ADN nr. 5766 datë 24.05.2018 ka rezultuar se ; “Në pulovrën, këmishën, mbathjet dhe qesen plastike (provë materiale 1,2,3,4), marrë në vendngjarje, objekte ekspertimi, nuk ka mbetje humane të vlefshme për identifikim individual me analizën e ADN-së.”
Nga akti i ekspertimit biologjik ADN nr .5148 datë 11.05.2018 ka rezultuar se ; “Në çekiçin (provë materiale 1), objekt ekspertimi, marrë në banesën e shtetasit Bashkim Çaushi, nuk ka mbetje humane të vlefshme për identifikimin individual me analizën e ADN-së.”
Nga akti i ekspertimit biologjik ADN nr. 5767 datë 24.05.2018 ka rezultuar se ; “Në batanijen, valixhen, batanijen e hollë dhe në tamponin me mbetje humane (prove materiale 1,2,3,4), marrë dhe fiksuar me tab. 1,2,5 në vendngjarje, objekte ekspertimi, nuk kambetje humane të vlefshme për identifikimin individual me analizën e ADN-së.”
Nga akti iekspertimit biologjik ADN nr. 5149 datë 11.05.2018, ka rezultuar se; “Në dy palët e pantallonave, bluzën, kapelen (provë materiale 1,2,3,4,5), objekte ekspertimi, marrë në banesën e shtetasit Bashkim Çaushi, nuk ka njolla gjaku njeriu”
Nga akti i ekspertimit biologjik ADN nr.4370 datë 23.04.2018, ka rezultuar se ; “Në veshjen e sediljes së parë të shoferit, veshjen e sediljes së pasme krahu i majtë dhe leukoplastin, objekte të këtij ekspertimi, marrë në cilësinë e proves materiale gjatë kqyrjes së automjetit me targa AA875O nuk evidentohen njolla gjaku me natyrë humane të vlefshme për identifikim, me anë të analizës së AND-së.”
Nga akti i ekspertimit mjeko-ligjor datë 28.06.2018 ka rezultuar se;
“Pjesët kockore nuk janë eshtra humane .”
Discussion about this post