Është zhvendosur protesta e opozitës që po mbahej sot përpara Kuvendit, dhe kishte nisur rreth orës 10;00. Në drejtimin e të rinjve qytetarët po i drejtohen kryeministrisë, ku pritet të qëndrojnë për disa minuta.
Kryetarja e LSI-së në një prononcim për Fax News u shpreh se të rinjtë kanë marrë në dorë protestën, dhe nuk do të lejojnë fyerjet e përditshme që iu bëhen nhga ana e qeverisë Rama.
‘’Studentët u mashtruan me Paktin për Universitetin, Reformat nuk janë zbatuar ashtu sicc ne kemi votuar për to”, u shpreh Kryemadhi.
”Ambasadorët vinë 2 apo tre vite dhe ikin të pasur nga Shqipëria, ne duhet të kujdesemi që të rinjtë të mos largohen nga vendi, por të qëndrojnë në shtëpinë e tyre”, tha më tej kryetarja e LSI-së.
Në protestë u mbajt nga të rinjtë dhe një piramidë, me të këqijat që sipas tyre i kanosen sot vendit. Në majën e kësaj piramide qëndron Edi Rama, dhe pas tij kullat dhe ppp-të, pastrimi i parave, oligarkët, droga, krimi dhe blerja e zgjedhjeve.
Në protestën e sotme mungonte kreu i PD-së Lulzim Basha, i cili ndodhej në një takim në Berlin me zyrtarë të CDU-së. Protesta e radhës e opozitës do të mbahet në 13 Prill, pasdite, dhe do të jetë mbarëkombëtare.
(E.K/FAXWEB.AL)
Discussion about this post