Pak minuta më parë një zjarr masiv ka përfshirë vendin e quajtur ‘Qafa e Lalarit’ në Patos të Fierit.
Forcat zjarrfikëse kanë mbërritur pranë vendngjarjes, por terreni i vështirë e pengon ndërhyrjen e tyre dhe kërkohen ndërhyrje nga ajri.
Si pasojë e zjarrit janë djegur sipërfaqe me ullishte dhe shkurre.
Shefi i Mbrojtjes nga Zjarri dhe Shpëtimi (MZSH) në Patos, Alket Halimi në një prononcim për ‘News24’ u shpreh se situata është tepër kritike, ndërsa rrezikohen plantacione me ullinj dhe dru.
“Situata është kritike, pasi era favorizon përhapjen e flakëve. Rrezikohen plantacione me ullinj dhe dru frutore. Po punojmë për të vënë flakët nën kontroll”, tha Alket Halimi. (J.V/Shuplaka)
