Një zyrtar turk në kushtet e anonimatit ka rrëfyer për ‘Reuters’ se Arabia Saudite ka derguar një ekip dy-anëtarësh në Stamboll për të hequr provat e vrasjes së gazetarit, Jamal Khashoggi.
Zyrtari është shprehur i bindur se zyrtarët sauditë e dinin për krimin, ndërsa sipas tij, një kimist dhe toksikolog ishin përgjegjës për heqjen e provave para se hetuesit turq të hynin brenda konsullatës saudite.
Gazeta turke “Sabah” ka identifikuar dy sauditët si Ahmed Abdulaziz Al-Jonabi dhe Khaled Jahja al-Zahrani, duke deklaruar se ata arritën në Turqi si pjesë e ekipit 11-anëtarësh që është menduar për të kryer inspektimin, së bashku me zyrtarët turq.
“Ne besojmë se këta njerëz erdhën në Turqi me detyrën për të fshehur provat e vrasjes së Khashoggi para se policia turke të ishte lejuar për të kërkuar vendndodhjen,” tha zyrtari.
Ata kryen një operacion “pastrimi” në konsullatë dhe rezidencë e konsujve në Stamboll deri më 17 tetor dhe u larguan nga Turqia tri ditë më vonë.
“Fakti që këta pastrues erdhën nga Arabia Saudite nëntë ditë pas vrasjes, sugjeron se vrasja e Khashoggi ishte kryer me njohurinë e zyrtarëve më të lartë saudite,” pohon zyrtari turk.
(J.D/Faxweb.al)
Discussion about this post