Gazetarja, Aida Shtino ka folur për 1 vjetorin e ndarjes nga jeta të Kasem Hysenbelliun të cilin e konsideron si një prej njerëzve më vizionarë të medias.
Ajo kujton njohjen e hershme me presidentin e Fax News dhe thotë se gjithmonë e kishte përgëzuar pë r emisionet që ajo bënte dhe e kishte ftuar shpesh që të bëhej pjesë e medias që ai vetë krijoi në vitin 2017.
Mes të tjerash, Shtino thotë se ai ishte një patriot i madh dhe si i tillë i kishte pëlqyer shumë ideja e emisionit “Identitet” ku flitet për rrënjët shqiptare.
Aida Shtino:
Sot mbush një vit që Kasemi nuk është më mes nesh dhe të them të drejtën ende nuk jam mësuar me mësimin e tij fizik sepse ai ka qenë i pranishëm në të gjitha ambientet e televizionit. Ndihet shpirti i tij këtu mes nesh. Puna ka vazhduar dhe të gjithë ne jemi përpjekur të bëjmë më të mirën ashtu siç edhe ai do të donte.
Të them të drejtën kur kujtoj ditën e parë që erdha në familjen e Fax News, si u gëzua shumë dhe më tha se ishte shumë i lumtur që unë do isha pjesë e këtij televizioni. Unë Kasemin e kam njohur që më parë qëkur ishte drejtues në News 24 dhe më duhet të them se ishte një nga ata njerëzit shumë vizionarë, një nga ata njerëzit që me gjëra shumë të vogla bëjnë dhe ndërtojnë gjëra të mëdha.
Kasemi ndërtoi një media siç është Fax-i me shumë sakrifica dhe me një shpirt dhe pasion që e kemi të gjithë. Më kujtohet momenti kur i thashë për realizimin e një emisioni dhe ai si patriot i madh që ishte më tha se po do ta bëjmë këtë për kombin dhe tha se i pëlqente edhe emri: Identitet.
Ishte nga ata njerëz të thjeshtë që flasin pak dhe bëjnë shumë vepra. Të gjitha ato momente që kemi kaluar për të folur për projekte të ndryshme, ai ishte një njeri që të impononte vizionin e tij të përparuar për median.
(B.V/Faxweb.al)
