13 persona humbën jetën dhe mbi 64 u plagosën, ISIS merr përgjegjësinë e sulmit në Barcelonë

Organizata terroriste e vetëquajtur Shtetit Islamik (ISIS) ka marrë përgjegjësinë për sulmin që ndodhi sot  në Barcelonë, ku një furgon u fut në turmën e njerëzve duke shkaktuar 13 viktima dhe mbi 64 të tjerë të plagosur.

Njoftimi është bërë nga media që administrohet nga militantët islamike, “Amaq News”, që shkruan se  ISIS ka marrë përgjegjësinë e sulmit dhe se ata që kryeni sulmin janë ushtarë të Shtetit Islamik. Megjithatë detajet mbi shkaqet e ngjarjes, motivet për kryerjen e kësaj masakre nuk bëhen të ditura.

Dy orë pas ngjarjes policia qëlloi për vdekje një të dyshuar ndërkohë që personi që kishte marrë furgonin me qira është identifikuar me emrin Driss Oukabir, një maroken që jetonte prej 20 vitesh në Spanjë . Oukabir është shpallur në kërkim nga policia. (D.D/Shuplaka)