Nga operacioni antikanabis që u zhvillua në orët e para të mëngjesit të sotëm në Llakatund të Vlorës, ku u sekuestruan 15 ton drogë janë arrestuar edhe dy efektivë policie.
Sipas “News 24” emrat e dy efektivëve të policisë nuk janë bërë ende të ditur. Po kështu në prangat e policisë ka rënë edhe edhe kryeplaku i fshatit.
DETAJE NGA OPERACIONI:
Policia e Vlorës e mbështetur nga Forcat e Ndërhyrjes së Shpejtë dhe nën drejtimin e vetë Drejtorit të Përgjithshëm të Policisë së Shtetit Haki Çako kanë finalizuar me sukses një operacion në Llakatund të Vlorës që ka çuar në sekuestrimin e 15 ton kanabis sativa si dhe armëve të zjarrit.
Mësohet se në krye të operacionit ka qenë edhe Drejtori i Policisë së Vlorës Gentian Shehaj si dhe Drejtori i Përgjithshëm i SHÇBA Eduart Merkaj.
Nga ana e policisë janë sekuestruar 5 armë zjarri kallashnikov të cilat janë gjetur gjatë kontrollit dhe kapjes së drogës në dy banesa në fshatin Llakatund.
Nuk ende informacione për të arrestuar, por policia ka shoqëruar disa persona. Në orët në vijim priten detaje të tjera si dhe sasia e saktë e drogës së kapur. (J.V/Shuplaka)
Discussion about this post