Kompania Apple njoftoi se ka nisur hetimet në lidhje me pretendimet e një 18-vjeçareje amerikane, e cila postoi në rrjetet sociale video dhe foto të telefonit të saj iPhone 7 Plus i shkatërruar nga flakët.
Vajza e quajtur Brianna Olivas thotë se nuk ishte duke e përdorur pajisjen, kur ajo ka marrë flakë.
Ajo dhe i dashuri i saj ishin duke fjetur gjumë dhe ka qenë ky i fundit që ka dëgjuar zhurmën dhe më pas ka parë flakët që vinin nga pajisja, shkruan BBC.
Ai ka larguar telefonin menjëherë dhe më pas e ka filmuar atë teksa merrte flakë .
Filmimi ishte një provë e mjaftueshme që Apple të shpërblente 18-vjeçaren me një telefon të ri, ndërkohë që gjiganti teknologjik amerikan shton se ka nisur hetimet për zbardhjen e shkaqeve.
Në shtator të vitit 2016, ishte Note 7 i Samsung që rezultoi një dështim total për kompaninë.
Qindra raste të shpërthimit të pajisjes u raportuan në një kohë të shkurtër, aq sa detyruan kompaninë koreano-jugore që ta tërheqë përfundimisht atë nga tregu.
Ky nuk është rasti i parë kur Apple ka shpërblyer klientët me produkt të ri pasi celulari iu ka rezultuar problematik aq sa edhe ka shpërthyer. (M.D/ Shuplaka)
Discussion about this post