Problemet ekonomike ku është krijuar edhe një situatë e vështirë financiare në shumë bashki të vendit ka bërë që Ministria e Financave të përgatitë një ligj, i cili do të monitorojë mënyrën e shpenzimeve të buxhetit të tyre dhe mbledhjen e të ardhurave.
Fran Brahimi, drejtor i financave vendore, në një intervistë për TV Klan, u shpreh se janë 120 milion dollarë detyrime që pushteti vendor i ka borxh biznesit. Sipas këtij ligji bashkive u lihet dy vite kohë që të shlyejnë faturat.
Në rastet që do të konstatohet paaftësi paguese për bashkitë, planin për daljen nga vështirësia financiare e harton ministria e Financave dhe e miraton Këshilli i Ministrave. Aktualisht janë 8 bashki që ndodhen në situatë të vështirë financiare. Ministria e Financave sqaron se ligji nuk shkel parimet e autonomisë vendore, por synon të vendos rregull në buxhetin e pushtetit vendor. (J.V/Shuplaka)
Discussion about this post