Kalifornia po përballet me një zjarr të fuqishëm i cili sipas mediave të huaja u ka marrë jetën deri tani 23 persona, ndërsa mijëra të tjerë janë evakuuar për shkak të rrezikut.
Për situatën alarmante janë angazhuar 2.200 zjarrfikës, gjithashtu edhe 100 trupat me ekspertë të Gardës Kombëtare.
Paradise, qyteza Kaliforniane me 27 mije banore, është shkatërruar pothuajse komplet. Janë me shumë se 157 mijë njerëz në total të detyruar të lënë shtëpitë e tyre për t’u vendosur në zona të sigurta.
Presidenti I SHBA-ve Donald Trump ishte shprehur se kjo situatë klishte të bënte me menaxhimin e dobët të pyjeve, duke kërcënuar se ai do të ndërpresë fondet federale për menaxhimin e pyjeve, megjithëse nuk ishte e qartë nëse ai po fliste për Shërbimin Pyjor të SHBA-ve ose agjencitë shtetërore.
“Nuk ka asnjë arsye për këto zjarre pyjore masive, vdekjeprurëse dhe të kushtueshme në Kaliforni përveç se menaxhimi i pyjeve është kaq i dobët”, tha Trumpi të shtunën herët.
Por ky reagim i Trump ka nxitur të tjera reagime.
Brian Rice, president i sindikatës profesionale të zjarrfikësve në Kaliforni tha të shtunën se Presidenti Donald Trump duhet të kërkojë falje për fajësimin për menaxhim të “varfër” të zjarreve vdekjeprurëse.
“Zjarrfikësit dhe komunitetet në këtë shtet meritojnë një falje”, tha ai. Kritika e Trump nxiti një përgjigje nga aktori Leonardo DiCaprio, i cili shkroi tëeet: “Arsyeja që këto zjarre janë përkeqësuar është për shkak të ndryshimeve klimatike dhe një thatësire historike”.
The reason these wildfires have worsened is because of climate change and a historic drought. Helping victims and fire relief efforts in our state should not be a partisan issue. https://t.co/WiBnppsr3m
— Leonardo DiCaprio (@LeoDiCaprio) November 10, 2018
(B.H/Faxweb)
