Bëhen plot 62 ditë nga data 18 shkurt, kur Partia Demokratike mbështetur nga të tjera parti opozitare vendosën të qëndrojnë përpara Kryeministrisë, brenda një çadre për të protestuar kundër Qeverisë në pushtet, për të kërkuar krijimin e qeverisë teknike dhe zgjedhje të lira e të ndershme.
Sot në ditën e 62-të, kryetari i PD-së, Lulzim Basha, ka ndarë me të gjithë qytetarët një video-mesazh të aktiviteteve që janë zhvilluar ditë pas dite në çadrën e opozitës, ku janë pritur, diskutuar e kanë folur shtresa të ndryshme të shoqërisë, të pozicioneve të ndryshme dhe përfaqësues ndërkombëtare që kanë mbështetur nismën e opozitës.
(XH.A/SHUPLAKA)
