Një mjet ka dalë nga rruga dhe është përplasur me bordurën në Maliq.
Drejtuesi ka marrë dëmtime të shumta në trup. Është dashur ndërhyrja e zjarrfikësve për të nxjerrë drejtuesin nga makina.
Mësohet se gjendja e tij paraqitet e rëndë, dhe po dërgohet drejt spitalit të Korçës për mjekim. Ngjarja ka ndodhur në afërsi të fshatit Pirg.
I plagosur ka mbetur dhe një pasagjer në mjetin tip audi.
Njoftimi i policisë:
Më datë 25.06.2022, rreth orës 13:50, jemi njoftuar se në aksin rrugor Maliq-Pogradec, në afërsi të fshatit Gurishtë, Maliq, shtetasi I. C., duke drejtuar mjetin tip “Audi”, dyshohet se ka humbur kontrollin e mjetit dhe ka dalë nga rruga. Për pasojë kanë marrë dëmtime drejtuesi I. C. dhe pasagjeri shtetasi Sh. C., të cilët u dërguan për mjekim në Spitalin e Korçës.
Grupi hetimor po punon për sqarimin e rrethanave të ngjarjes dhe përcaktimin e shkaqeve të aksidentit.
