Zëdhënësi i presidentit rus, Dmitry Peskov ka hedhur poshtë akuzat për ndërhyrje në zgjedhjet parlamentare të Gjeorgjisë, më 26 tetor.
Presidenti i Gjeorgjisë të hënën i kërkoi Perëndimit të mbështesë protestat e opozitës kundër rezultateve zyrtare të zgjedhjeve të fundjavës, në të cilat partia qeverisëse u shpall fituese mes parregullsive në votim dhe akuzave për ndërhyrje ruse, raporton AP.
“Ne nuk po përzihemi në punët e brendshme të Gjeorgjisë dhe nuk kemi ndërmend të ndërhyjmë”, ka deklaruar zëdhënësi i Kremlinit, Peskov.
Ai ka akuzuar Perëndimin se ka ndikuar në rezultatin e votimit. I pyetur në lidhje me thirrjen e Zourabichvilit për gjeorgjianët që t’i bashkohen protestave, ai e përshkroi atë si një përpjekje për të destabilizuar situatën në vend.
Presidentja e Gjeorgjisë, Salome Zourabichvili, e cila refuzoi të njohë rezultatet zyrtare, i ka thënë Associated Press në një intervistë se kombi i Kaukazit Jugor ka rënë viktimë e presionit rus që synon të prishë planet e tij për t’u bashkuar me Bashkimin Evropian.
“Ne kemi parë që propaganda ruse është përdorur drejtpërdrejt”, ka thënë Zourabichvili, një kritik i ashpër i partisë qeverisëse.
Discussion about this post