Mediat greke kanë zbardhur debatin e zhvilluar rreth dy javë më parë mes kryeministrit shqiptar Edi Rama dhe homologut të tij grek, Alexis Tsipras. Sipas tyre, bëhet fjalë për një bisedë e karakterizuar nga tone të larta, me plot tension, sidomos nga ana e kreut të qeverisë shqiptare.
Thuhet se Edi Rama i ka kërkuar sqarime homologut të tij lidhur me ndalimin e dy punonjësve të ministrisë së Jashtme shqiptare që u ndaluan më 14 nëntor në Kakavijë teksa transportonin libra shkollorë.
Sipas “Kathimerini”, Greqia u gjend përpara rezistencës së Italisë dhe Austrisë për të mospërfshirë në raport-progresin e Shqipërisë, çështje që lidhen me minoritetin grek.
E duket se Greqia i ka hedhur sytë nga Serbia tashmë, referuar edhe njoftimit të “Kathimerini”-t që bën me dije se kryeministri Tsipras ka planifikuar në fillim të 2017-ës një vizitë në Beograd, me qëllim forcimin e aleancave në rajonin e Ballkanit.
