Gjendet një tjetër i pajetë në Tiranë, dyshohet se vdiq nga shkaqe natyrore

Dy ditë pas trupit të pajetë që u gjet mëngjesin e 6 dhjetorit tek zona e “Brrylit” në kryeqytet, një tjetër i pajetë është gjetur ditën e sotme.

Kanë qenë banorët e zonës së “Kombinatit”, ata që kanë gjetur kufomën prapa ish-Fabrikës së Qelqit. Ai është identifikuar si Y. H. 71 vjeç.

Efektivët e komisariatit nr. 6 të policisë kanë mbërritur menjëherë në vendngjarje. Ata shprehen se në trupin e viktimës nuk janë konstatuar shenja dhune. Dyshohet se mund të ketë vdekur nga shkaqe natyrore. 

Policia po punon për zbardhjen e plotë të ngjarjes.