Kryeministri Rama ka qënë i pranishëm në aktivitetin që ka zhvilluar Ministria e Zhvillimit Urban dhe Turizmit dhe Bankës Botërore, ku do të nënshkruhet marrëveshje bashkëpunimi në lidhje me Turizmin. Kjo marrëveshje do të bëjë të mundur sipas asaj që tha kryeministri vazhdimin e projektit të Rilindjes Urbane, që ka nisur nën drejtimin e kësaj qeverie dhe ka bërë të mundur rilindjen e qyteteve në vendin tonë.
‘’Sektori sot është në një rimëkëmbje të përditshme, ndërmorrëm reforma me rëndësi për vendin, skema sot garanton qëndrueshmëri dhe lehtësim të një barre që ishte më përpara e papërballueshme. Kemi ndërmarrë reforma që ishin zvarritur për shumë vite, duke shmangur pasoja nëse ato do të ishin bërë kohë më parë’’, ka thënë kryeministri Rama
‘’Kemi bërë jo pak në kuadër të programit të Rilindjes urbane, një projekt që është kritikuar shumë, por e vërteta është që kjo marrëveshje që nënshkruhet do ti japë një tjetër zhvillim projektit që kemi ndërmarrë’’ , ka vazhduar kryeministri. Duke e cilësuar këtë project si shtysën e projektit të Rilindjes Urbane.
Ky projekt do të prekë Gjirokastrën e Beratin, Sarandën, Butrintin si një qendër me rëndësi strategjike për zhvillimin e turizmit në atë rajon dhe disa qytete të tjera.
Discussion about this post