Pas lajmit se i dyshuari i parë nuk është autori i sulmit në klubin e natës “Reina” në Stamboll, policia ka përforcuar hetimet për zbulimin e identitetit të vërtetë të vrasësit.
Bëhet e ditur së fundmi se autori i dyshuar për masakrën e shënuar pak pas mesnatës së 31 dhjetorit në Stamboll është Abu Muslim Horasani.
Myslimani Abu Muslim Horasani cilësohet si një vrasës profesionist sipas hetuesve. Mundet që ky emër të jetë një pseudonim i vrasësit të Stambollit, për të kryer sulmet terroriste të frymëzuara nga ISIS.
Detaje të reja janë bërë me dije nga mediat turke. Sipas “Yeni Safak”, sulmuesi ka ndryshuar tetë taksi në përpjekje për të mos lënë asnjë gjurmë. Shoferët u morën në pyetje pas identifikimit të targave të automjeteve.
“Masakra e Stambollit, e cila u krye nga një terrorist profesionist është e ngjashme me sulmet në Bataclan të Parisit dhe kundër gazetës satirike franceze “Charlie Hebdo”.”, u shpreh për “CNN” në Turqi, ministri Omer Celik.
Deri tani 20 persona janë vënë në pranga si pjesë e hetimeve për masakrën ku humbën jetën 39 persona. (XH.A/SHUPLAKA)
