I përfolur më së shumti për videon me armë dhe lajmin e shpalljes në kërkim, këngëtari Arkimed Lushaj i njohur si Stresi ka reaguar sërish, kësaj here duke iu drejtuar konkretisht ministrit të Brendshëm, Saimir Tahiri.
Në mesazhin e tij postuar në llogarinë personale në Instagram, reperi ka vënë theksin tek ligji për armët dhe deklarata e pak kohëve më parë e ministrit, i cili deklaroi se këngëtarët nuk duhet të publikojnë më klipe ku shihen duke përdorur armë.
“E ke bërë këtë ligj sipas qejfit tënd dhe sipas egos tënde. Që të miratohet ky ligj dhe ti e di fort mirë që duhet të jetë vendim qeverie dhe duhet ta propozosh në parlament. Parlamenti e vendos, por ky ndryshim vendoset vetëm nga deputetët.
Të gjithë mediet të shohin shkeljet që bën ministri jonë. Unë do të mbrohem në gjykatë dhe drejtësia do të më mbrojë sepse jam super i pastër. Nuk mund të më dënojë një individ.”, shkruan ndër të tjera Stresi. (XH.A/SHUPLAKA)
Discussion about this post