Një autobombë ka shpërthyer pranë ambasadës italiane në Tripoli të Libisë.
Sipas “Libyanexpress”, shpërthimi ka ndodhur në orën 20:00 të mbrëmjes së sotme, në lagjen Dahra, pikërisht pas godinës së ambasadës egjiptiane dhe shumë pranë ambasadës italiane, të cilat ndodhen shumë pranë njëra-tjetrës.
Si pasojë e shpërthimit mbetën të plagosur një shofer makine dhe një person tjetër që ndodhej aty pranë, të cilët për fat të mirë ndodhenjashtë rrezikut për jetë.
Mediat lokale shkruajnë se sipas dyshimeve paraprake të policisë, sulmi kishte për objektiv pikërisht ambasadën italiane.
Deri më tani askush nuk e ka marrë përsipër sulmin, por në Libi ka shumë grupe militantësh të cilët herëpashere kryejnë sulme të tilla. (D.D/Shuplaka)
